شوية Addons للمتصفحات بتسهل حياتي جداً لا غنى عنهم ابداً
Awesome Emoji Picker
من اسمها, بتسمحلكوا تستعملوا ايموجيز في اي موقع واي مكان. بتفتحلكوا قائمة في المتصفح تختاروا منها الايموجي الي تحبوه و فيها سيرش كمان, و بتعمل كوبي و auto-insert للايموجي اللي تختاروه لو بتكتبوا في text field.
Facebook Container
بتخلي الـ Tracking بتاع فيسبوك محدود لدوميينز Facebook.com فقط, يعني اي حاجة ليها علاقة بيهم على مواقع تانية مش هتشتغل.
Imagus
مواقع كتير الصور عليها مش بتبقى واضحة و محتاجين نكبرها, و احياناً بنضطر نفتح صفحات جوا صفحات عشان نشوف النسخ الكبيرة, دي بتخليك تحط الماوس على الـ thumbnail تقوم مكبرة الصورة و لو لقت لينك للصورة اللاصلية الكبيرة هتظهرها بدل الـ thumbnail.
Notion Web Clipper
للي بيستعملوا Notion, بتسمحلك تسيف لينكس و حاجات تانية بسرعة لأي دوكيومنت عندك على حسابك.
Old Layout for Facebook
بترجع الشكل القديم بتاع فيسبوك بدل العته اللي بيحصل ف الجديد.
Search by Image
بتديلك اوبشن في الـ Context menu على المواقع انك تعمل سيرش بالصورة على اكتر من 5 مواقع بحث.
Snap Links
عارفين لما بتكليك و تشدوا الماوس عشان تختاروا كذا فايل؟ ده بقى في المتصفح و بتسمحلكوا تختاروا كذا لينك في نفس الوقت و بتفتحتهم كلهم في new tabs لوحدها.
Stylus
لو حابين تغيروا من شكل موقع باستخدام CSS دي هتسمحلكوا تكتبوا Custom CSS لأي موقع تحبوه و بتشغله لوحدها.
TamperMonkey
اما بقى لو حابين تشغلوا سكريبت على موقع معين كل اما تفتحوه فا دي بتتكفل بالموضوع.
YouTube Audio
اكستنشن بتوقف الستريم بتاع الفيديو و تحمل صوت الفيديوهات ع اليوتيوب فقط, للناس اللي بيسمعوا اغاني كتير عليه و مش حابين يضيعوا الباقة في الفيديوهات.
ضيفة شرف: HTTP Everywhere
احياناً كتير لما بعمل كوبي للينك معين بلاقيه اتعمله كوبي كـ HTTP مع ان الموقع في الاصل HTTPS و ده احياناً بيعمل مشاكل مع المتصفح, الاضافة دي بتغير كل اللينكات الى HTTPS لو لقت ان الموقع بيدعمها.
Written by Nabil Tharwat
Nabil Tharwat is a software engineer and mentor who's super in love with all things accessibility and performance. He's host of The Weekly Noob podcast and his content has reached thousands of people around the world.
